/* ]]> */
Mar 142012
 

 

மிகவும் பயந்திருந்த விழிகளில்

வழி புலனாகும் சித்திரங்களின்

வசீகரத்தில் குத்திட்டு நோக்க

வர்ணங்கள் கலந்து

செருக்குளத்தின் கலங்கலை

ஒத்திருப்பதை அறிந்திருக்கிறாயா நீ!

பற்றி எரிந்து பகுதிபகுதியாய்

சாம்பலாகும் உடலில் இருந்து

உதிரும் சாம்பலை எடுத்து

குருதி வழியும் புன்னகையில்

குழைத்து பூசிக் கொண்டு

கறையேறிய பற்களுடன் திரிகிற நீ,

சப்தங்கள் நிறைந்திருந்த கம்பிகளால்

துளையிடப்பட்ட காற்றின் முதுகெலும்பு

வரிசை தப்பிய பாடல் ஒன்றை இசைக்கையில்

தவறவிட்ட பாடலின் உடைந்த முனைகளை

தொலைதேசத்தில் இருந்து

கொண்டு வரும் யாத்ரீகனின் மூலம்

பூர்த்தி ஆகிறதான பாடல் பழுதாய் இருப்பதை

அறிந்தவளில்லை நீ

யட்சினிகளின் கருகிய உடலை

சுமந்து கொண்டு திரிபவன்

திசைகள் அற்ற வெளியில்

கால் பாவாமல் பறந்து திரியும்

பைசாசங்களின் சமீபத்தில்

அமைத்திருக்கிறான் அவனுக்கான கூட்டை

…ராகவன்..

 

 

 

tags

tamil poem, tamil love poem , love poetry , flute, music, love, lover

தமிழ் கவிதை , தமிழ் காதல் கவிதை , குழல் , இசை , காதல் , காதலன்

ஃபேஸ்புக் ரிப்ளை

பின்னூட்டம்

Powered by Facebook Comments

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>