/* ]]> */
Aug 192012
 

 

இஸ்லாம் என்றால் சாந்தி , சமாதானம் என்பது பொருளாகும் . இம்மையிலும் , மறுமையிலும் சாந்தியாக வாழ வழி வகுக்கும் மார்க்கமே இஸ்லாம் . எனவே அல்லாஹ்வின் ஏவலை எடுத்து நடப்பதும் , அவனுடைய விலக்கல்களை விட்டு தவிர்ந்து கொள்வதும் நமக்குக் கட்டாயமாகிறது .

இஸ்லாத்தின் அடிப்படைக் கொள்கைகள் – 5

1. வணக்கத்துக்குரிய நாயன் அல்லாஹூ தாஆலாவைத் தவிர வேறு யாருமில்லை . முஹம்மத் ஸல்லல்லாஹூ அலைஹி வஸல்லம் அவனுடைய திருத்தூதர் என்று சாட்சி கூறுதல் .

2. தினமும் ஐந்து நேரம் விடாமல் தொழுகையை நிறைவேற்றுதல் .

3. செல்வம் படைத்தவர்கள் வருடம் ஒரு முறை ஏழைகளுக்கு ஏழை வரி செலுத்துதல் , அதாவ்து தம்மிடமுள்ள பொருளிலிருந்து நூற்றுக்கு இரண்டரை ரூபாய் வீதம் வசதியற்றவர்களுக்கு செலுத்த வேண்டும் .

4. ரமளான் நோன்பு வைத்தல் .

5.பொருள் வசதியும் , பிரயாண வசதியும் , உடல் வலிமையும் உள்ளவர்கள் , புனித மக்காவிற்குச் சென்று ஹஜ்ஜூ என்ற வணக்கம் புரிதல் .

ஈதுல் fபித்ர்

ரமலான் மாதம் பிறை கண்டதிலிருந்து அம்மாதம் முழுவதும் 30 நாட்கள் அல்லது 29 நாட்கள் நோன்பு நோற்பது வயது வந்த முஸ்லிம் ஆண்கள் , பெண்கள் மீது கட்டாயக் கடமை . மெய்வெள்ளை வெளுப்பதிலிருந்து மக்ரிப் வரையிலும் உண்ணாமலும் குடிக்காமலும் இருப்பதுடன் ஆண் – பெண் உறவு கொள்வதும் கூடாது . ஈதுல் fபித்ர் – ரமளான் நோன்பு முடிந்த மறுநாள் , ஈதுல் fபித்ர் என்ற பெருநாள் .
ஈதுப் பெருநாள் தக்பீர்
அல்லாஹூ அக்பர் அல்லாஹூ அக்பர் அல்லாஹூ அக்பர் லாயிலாஹ இல்லல்லாஹூ வல்லாஹூ அக்பர் அல்லாஹூ அக்பர் வலில்லாஹில் ஹம்து

பொருள் : அல்லாஹ் மிகப் பெரியவன் அல்லாஹ் மிகப் பெரியவன் வணக்கத்துக்குரிய நாயன் அல்லாஹ்வைத் தவிர வேறு யாருமில்லை. இன்னும் அல்லாஹ் மிகப் பெரியவன் . சகல புகழும் அல்லாஹ்வுக்கே உரியதாகும் .

“நீங்கள் பேசினால் நல்லதைப் பேசுங்கள் அல்லது அமைதியாக இருந்து விடுங்கள்” என நபி ஸல்லல்லாஹு அலைஹிவஸல்லம் அவர்கள் கூறினார்கள்.



اللَّهُمَّ رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ 


”இறைவா! எங்கள் அதிபதியே! இவ்வுலகிலும் எங்களுக்கு நன்மையை வழங்குவாயாக! மறுமையிலும் எங்களுக்கு நன்மையையே வழங்குவாயாக. மேலும் நரக நெருப்பின் வேதனையை விட்டும் எங்களை காப்பாற்றுவாயாக!”
உலக மக்கள் அனைவருக்கும் ஈதுப்பெருநாள் நல்வாழ்த்துக்கள்
அனைவரின் மீதும் சாந்தியும் சமாதானமும் அருளப்படட்டும் ..
..ஷஹி..

 

 

ஃபேஸ்புக் ரிப்ளை

பின்னூட்டம்

Powered by Facebook Comments

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>