/* ]]> */
Nov 302015
 

மாத ராசி பலன் –  டிஸம்பர்-2015:

 mathapalan

மாத பலன்

மேஷம்:
கிரக நிலைகள் சாதகமாக உள்ளன. இதுவரை இருந்துவந்த மனக் குழப்பம் நீங்கும். அதிக முயற்சிக்கான ஊக்கம் இருக்கும்,. செயல்களில் நேர்மையும் உள்ளத்தில் உண்மையும் இருக்கும். அதனால் ஏற்றம் உண்டு.
மாதம் முழுவதும் சிறப்பான பலன்களே நடக்க உள்ளன. திடீர் பண வரவுக்கு வாய்ப்புண்டு. பொருளாதார வளம் மேம்படும். கணவன்-மனைவியிடையே அன்யோன்யம் மலரும். முதல் வாரத்தில் புத்தாடை அணிகலன்கள் வாங்குவர். உடல்நிலை நன்றாக இருக்கும். பணியாளர்கள் முன்னேற்றம் காணலாம். தொழில் வியாபாரத்தில் நல்ல முறையில் கவனம் செலுத்தி கூடுதல் வருமானம் காணலாம். அதிக முதலீடு செயய்வேண்டாம். அரசுவகையில் அனுகூலமான போக்கு காணப்படவில்லை. அதனால், வரவு செலவுக் கணக்கை சரியாக வைத்த்க்கொள்ளவும். தொழில் நிமித்தம் வெளியூர்ப் பயணம் ஏற்படும்.
கலைஞர்கள் புதிய ஒப்பந்தங்கள் கிடைக்கப்பெற்று வசதி வாய்ப்புகளுடன் வாழ்வர். பேரும் உகழும் கிடைக்கும். அரசியல்வாதிகள் சிறப்பான நிலையில் இருப்பர். இரண்டாம் வாரத்தில் முயற்சிகளில் தடை ஏற்படும். மனச் சோர்வும் உண்டாகும்.
மாணவர்கள் அதிக சிரத்தை எடுத்துப் படித்தால் மட்டுமே அதிக மதிப்பெண் கிடைக்கும். ஆசிரியரின் ஆலோசனை கை கொடுக்கும்.
விவசாயிகள் புதிய சொத்து வாங்குவர். நவீன யுக்தியைப் பயன்படுத்தி, விவசாயத்தை மேம்படுத்தலாம். அதிக மகசூல் காண்பதில் தடை இருக்காது. பெண்கள் நற்பெயர் பெறுவர்.
ரிஷபம்:
கிரகங்கள் மாதம் முழுவதும நன்மை பயக்கும் நிலையிலும், சாதக நிலையிலும் இருப்பதால், விருந்து,விசேஷங்கள் என்று குடும்பத்தில் மகிழ்ச்சி பொங்கும். ஆடை அணிகலன்கள் வாங்கி மகிழ்ச்சியடையும் நிலையில் குடும்பத்தினர் இருப்பர். பெரியோர்களின் ஆலோசனையும் ஆதரவும் கிடைக்கும். உடல்நலம் சீராக இருக்கும். இரண்டாம் வாரத்தில் உடல்நலத்தில் சற்று அக்கறையுடன் இருக்கவேண்டும். கணவன் மனைவிக்கிடையே அன்பு பெருகும். முதல் வாரத்தில் பெண்கள் மிகவும் உதவிகரமாக இருப்பார்கள். கடந்த மாதம் இருந்துவந்த விரயங்கள் இந்த மாதம் இருக்காது. பணியாளர்களுக்கு பணியிடத்தில் செல்வாக்கு அதிகரிக்கும். அரசு வகையில் அனுகூலமான போக்கு காணப்படவில்லை. அதனால், விதி மீறல்கள் போன்ற செயல்களில் ஈடுபடவேண்டாம். கணக்கு வழக்குகளை சரியாக வைத்துக்கொள்ளவும். மாத இறுதியில் சக ஊழியர்களும் நண்பர்களும் உதவிகரமாக இருப்பார்கள். வியாபாரம் மற்றும் தொழிலில் வளர்ச்சியும் லாபமும் இருக்கும். முதல் வாரத்தில் எதிர்பாராத பண வரவு கிடைக்கும்.
கலைஞர்களுக்கு புதிய ஒப்பந்தம் கிடைக்கும். அரசியல்வாதிகள் சீரான பலனைக் காண்பர். விவசாயிகள் நல்ல மகசூல் காண்பர். வழக்கு,விவகாரம் சாதகமாக அமையும். மாணவர்கள் போட்டிகளில் வெற்றிகாண்பது கடினம்.
பெண்கள் மகிழ்ச்சியுடன் இருப்பர். புதிய உறவினர்களின் உதவி கிடைக்கும். வயதானவர்களுக்கு பிள்ளைகளின் அணுசரணை கிடைக்கும்.

மிதுனம்:

பெரும்பாலான கிரகங்கள் நல்ல நிலையில் சாதகமாக இருந்து வருவதால் செயல்களில் வெற்றி கிடைக்கும். சில கிரகங்கள் சாதகமான நிலயில் இல்லை என்றாலும், குருவின் பார்வையால் நன்மைகள் உண்டு. உங்கள் முயற்சியில் இருந்து வந்த தடைகள் அகலும். உங்கள் மதிப்பு மரியாதை உயரும். பொருள் விரயம் ஏற்படும். அனாவசிய பேச்சுகளைத் தவிர்ப்பது நல்லது. குடும்பத்தில் மகிழ்ச்சி அதிகரிக்கும். பிரிந்த தம்பதியினர் ஒன்று சேர்வர். குழந்தை பாக்கியம் கிடைக்கும். பெண்களால் நன்மை நிகழும். புத்தாடை அணிகலன்கள் வாங்கலாம்.உடல்நலம் கொஞ்சம் தொல்லை தரும். அக்கறை தேவை. பணியாளர்களுக்கு பதவி உயர்வு கிடைக்கும். செல்வாக்கு அதிகரிக்கும். இடமாற்ற பீதி மறையும். அலுவலக ரீதியாக முன்னேற்றமான சமப்வம் நிகழும். வியாபாரம் தொழிலில் உள்ளவர்களுக்கு அரசு வகையில் அனுகூலம் பிறக்கும். செலவு அதிகரிக்கும். எதிரிகளின் இடையூறை சந்திக்க வேண்டிவரும். முதல்வாரத்தில் சில தடைகள் தவிர்க்க முடியாதது. முதல்வாரத்தில் பண வரவும் உண்டு.
கலைஞர்கள் முன்னேற்றப் பாதையில் செல்வர். அரசியல்வாதிகளுக்கு, நற்பெயரோடு நல்ல பதவிகளும் கிடைக்கும். புகழும் வளரும்.
மாணவர்கள் போட்டிகளில் வெற்றி காண்பது அரிது. கடும் முயற்சி இருந்தால் பலன் கிடைக்கும்.
விவசாயிகளுக்கு கால்நடை மூலம் கூடுதல் வருவாய் கிடைக்கும். சொத்துவாங்கும் எண்ணம் கைகூடாது.
பெண்களுக்கு குடும்ப மகிழ்ச்சி உண்டாகும். அலங்காரப் பொருள்கள் வாங்குவர். புதிய உறவினரக்ளின் உதவி கிடைக்கும்.
கடகம்:
இந்த மாதம் எந்த செயலையும் தீவிர முயற்சி எடுத்தே முடிக்க முடியும். சுப நிகழ்ச்சிகள் கைகூட கால தாமதம் ஆகும். வீட்டில் தொல்லை கொடுத்துவரும் பிரச்சினை மாத பிற்பாதியில் சரியாகும். பிரிந்த தமபதி ஒன்று சேர்வர். குழந்தை பாக்கியம் உண்டாகும். பெண்கள் உதவியாக இருப்பார்கள். விருந்து,விழா என்று சென்று வருவீர்கள். பித்தம், மயக்கம், வயிறு பிரச்சினை வரும்.பணியாளர்களுக்கு வேலைப்பணி கூடுவதோடு, பணியிடத்தில் ந்ம்மதி இருக்காது. இடமாற்றம் ஏற்படலாம். இது உங்களுக்கு வேண்டாததாக இருக்கும். தொழில்,வியாபாரம் சீராக இருக்கும். தொழில் விஷயமாக யாருடனும் வாக்குவாதம் செய்வது ஆபத்தில் கொண்டுவிடும். அரசின் சலுகை கிடைக்கும். குறைந்த முதலீட்டில் சுய தொழில் தொடங்கலாம். எதிரிகளின் தொல்லை மறையும். முதல் வாரத்தில் சிறுசிறு தடைகள் வரலாம். திடீர் பண வரவு உண்டு.
கலைஞர் சிறப்பான நிலை அடையமுடியும். புகழ் , பாராட்டு கிடைக்கும். அரசியல்வாதிகளுக்கு மதிப்பு மரியாதை கூடும். மாணவர்கள். தீவிர கவனம் செலுத்தினால் மட்டுமே தேர்ச்சி விகிதத்தை எட்டமுடியும். ஆசிரியர்களின் அறிவுரைப்படி நடக்கவும்.
விவசாயிகள் அதிகம் உழைக்கவேண்டியிருக்கும். ஆனால், அந்த அளவுக்கு வருமானமும் கிடைக்கும். பெண்கள் மிகுந்த மகிழ்ச்சியுடன் இருப்பர். ஆடை, அணிகலன்கள் வாங்குவர். .
சிம்மம்:
கிரக சஞ்சாரங்களின்[ப்டி, இந்த மாதம் உங்களுக்கு சிறப்பான மாதமாக இருக்கும். பொருளாதார வளம் சிறப்பானதாக இருக்கும். புதிய தொழில் அனுகூலம் தரும். வியாபாரம் செய்வோருக்கு சனி பகவான், தொழில் வளத்தையும் பொருள் வளத்தையும் தருகிறார். எதிரிகளிடம் எச்சரிக்கையோடிருக்கவேண்டியது அவசியம். பணப் புழக்கம் அதிகரிக்கும். செல்வாக்கு அதிகரிக்கும். குடும்பத்தில் பெண்களால் பொருள் சேரும். சுப நிகழ்ச்சிகள் கைகூடும். புத்தாடை அணிகலன்கள் வாங்கலாம். உடல் நலத்தில் அக்கறை காட்டவேண்டியிருக்கும். போலீஸ், ராணுவத்தில் வேலை செய்பவர்கள் உயர்நிலை அடைவர். புதிய பதவி கிடைக்கும். திடீர் பண வரவு இருக்கும். உங்கள் முயற்சிகளில் சிறு சிறு தடைகள் வரலாம்.
மாணவர்களுக்கு முயற்சிக்குத் தகுந்த பலன் கிடைக்கும். கல்வி, போட்டிகளில் வெற்றி கிடைக்கும்.
விவசாயத்தில் சீரான மகசூல் கிடைக்கும். புதிய சொத்து வாங்க அனுகூலமான காலம். பெண்கள் குடும்பத்தில் போற்றப்படுவர். சிலர் குழந்தைப் பாக்கியம் பெறுவர். புண்ணியத் தலங்கள் சென்று வரலாம். மன மகிழ்ச்சி ஏற்படும்.
கன்னி:
இந்த மாதம் கிரகங்கள் பலவற்றின் சஞ்சாரம் சரியில்லை. வியாபாரிகளுக்கு பணப் புழக்கம் தாராளமாக இருக்கும். அரசாங்க ஆதரவுண்டு. குறைந்த முதலீட்டில் தொழில்தொடங்க வாய்ப்புண்டு. பணியாளர்கள் வேலையில் திருப்தி காண்பர். அதிகாரிகளின் ஆதரவும் ஆலோசனையும் கிடைக்கும். படித்தவர்களுக்கு வேலை கிடைக்க வாய்ப்புண்டு. மாதத் தொடக்கத்தில் எதிர்பாராத நன்மை கிடைக்கும். தொழிலாளர்களுக்கும் வியாபாரிகளுக்கும் பணப் புழக்கம் அதிகமாக் இருக்கும்.அரசாங்க ஆதரவு கிடைக்கும். குறைந்த முதலீட்டில் புதிய தொழில் தொடங்க வாய்ப்புண்டு. பொருளாதாரம் மேம்படும். தொழிலில் லாபம் அதிகரிக்கும். மாதத் தொடக்கத்தில் பண வரவு இருக்கும். சிற்சில வகைகளில் பொருள் நஷ்டம் ஏற்படலாம். இரண்டாம் வாரத்தில் மதிப்பு பெருகும். பெண்களால் பொருள் சேரும். பெண்கள் உதவிகரமாக இருப்பார்கள். சிலரது வீட்டில் களவுபோக வாய்ப்புண்டு. உஷ்ணம் . தோல் சம்பந்தப்பட்ட வியாதிகள் வரலாம். பயணத்தின்போது கவனம் தேவை
கலைஞர்களூக்கு முன்னேற்றம் உண்டு. புதிய ஒப்பந்தம் கிடைக்கும். சமூக நல சேவகர்கள்களும் , அரசியல்வாதிகளும் வளர்ச்சி பெறுவர். மாணவர்கள் நன்கு படிப்பர். கல்வி வளர்ச்சியோடு விளையாட்டுத் துறையிலும் வெற்றி காண்பர்.
விவசாயிகளுக்கு செலவு குறைந்து வருமானம் அதிகரிக்கும். கால்நடைகள் மூலம் நல்ல வருமானம் உண்டு. பெண்கள் கணவனின் அன்பைப் பெறுவர். குடும்பம் சிறக்கும். ஆடை ஆபரணம் வாங்கும் யோகமுண்டு.
துலாம்:
தொழில் வியாபாரத்தில் உழைப்பிற்கேற்ப பலன் கிடைக்கும். நல்ல வளர்ச்சியை எதிர்பார்க்கலாம். தீயோர் சேர்க்கையால் அவதிபட்டவர்கள் விடுபடுவர். மாத நடுவில் நல்ல வருமானத்தைப் பார்க்கலாம். எடுத்த புதிய முயற்சிகள் வெற்றிகரமாக முடிவடையும். தடைகளை உடைத்தெறிவீர்கள். வருமானம் சிறப்பாக இருக்கும். சிலரது பொல்லாப்பை சந்திக்க நேரலாம். உஷ்ணம் தொடர்பாகப் படுத்திவந்த நோய்கள் குணமாகும்.மனக் குழப்பம், சிற்சில விஷயங்களில் தோன்றலாம். வெளியில் செல்வாக்கு எப்படியிருந்தாலும் வீட்டில் அந்தஸ்துடன் இருப்பீர்கள். பெண்களால் நன்மை கிடைக்கும். முதல் வாரத்தில் ஒரு உன்னதமான பலன் கிடைக்கும்.
கலைஞர்களுக்கு. புகழ். பாராட்டு கிடைக்கும். அரசியல்வாதிகளுக்கு பண வரவு இருகும். குரு சாதகமாக இருப்பதால் மாணவர்கள் முயற்சி வீண்போகாது. விவசாயிகளுக்கு நல்ல மகசூல் கிடைக்கும். வழக்கு விவகாரங்கள் சாதகமாக இருக்கும். பெண்கள் எப்போதும் மகிழ்ச்சியோடிருப்பர். புத்தாடை அணிகலன்கள் வாங்கலாம். பிறந்த வீட்டில் இருந்து சீர் வரும்.
விருச்சிகம்:

இந்த மாதம்,சில கிரகங்கள் உங்களுக்குத் துணை நிற்காது என்றாலும், குருவின் சிறப்பான பார்வைகள் கிடைப்பதால், எந்தப் பிரச்சினையையும் முறியடித்து வெற்றிக்கு வழிகாணலாம். பொருளாதார வளம் அதிகரிக்கும். சிலர் தீயோர் சேர்க்கையால் பணத்தை விரயமாக்குவர். இரண்டாம் வாரத்தில் முயற்சிக்கு சிறு சிறு தடைகள் வரலாம். அபார ஆற்றல் அதிகரிக்கும். எனவே தடைகள் ஒரு பொருட்டாக இருக்காது. குடும்பத்தில் கணவன் மனைவியிடையே அன்பு நீடிக்கும். பெண்கள் உதவியாக இருப்பர். உஷ்ண, மயக்க, பித்த, வயிறு சம்பந்தமான வியாதிகள் வரலாம். பணியாளர்கள் மேலதிகாரிகளின் கோபத்துக்கு ஆளாக நேரும் அனுசரித்துப் போகவில்லையென்றால், பெரும் பிரச்சினையாகும். சிலருடைய பொல்லாப்பு வரலாம். பொறுமை அவசியம். எதிர்பாராத நன்மைகள் கிடைக்கும். தொழில், வியாபாரத்தில் அதிகமாக உழைக்கவேண்டியிருக்கும்.

கலைஞர்களுக்கு எதிரிகளால் தொல்லை உண்டு. இரண்டாம் வாரத்தில் புதிய ஒப்பந்தங்கள் கிடைக்கும். அரசியல்வாதிகள் சீரான பலன்களைப் பெறுவார்கள். விவசாயிகளுக்கு கால்நடைகள் மூலம் வருவாய் உண்டு. பெண்கள் புத்தாடை, நகை ஆடம்பரப் பொருள்கள் வாங்கலாம். பிள்ளைகளால் மகிழ்ச்சியும் பெருமையும் கிடைக்கும். வேலை பார்க்கும் பெண்கள் அதிக பளுவை சுமக்கவேண்டியிருக்கும்.
தனுசு :
பணியாளர் பணியிடத்தில் சிறப்பான நிலை காண்பர். பணிச்சுமை குறையும். இரண்டாம் வாரத்தில் அலுவலக ரீதியான சிறப்பான சம்பவங்கள் நிகழும். அரசு வேலையில் இருப்பவர்கள் வேலையில் அதிக அக்கறை காட்டுவது சிறப்பான பலன் தரும். தொழிலதிபர்கள் வியாபாரிகளுக்கு பொருளாதார வளம் சிறப்பாக இருக்கும். புதிய வியாபாரம் அனுகூலத்தைத் தரும். மாதத் தொடக்கத்தில் சில நோய்கள் வரலாம்.தொழிலதிபர்களுக்குபொருளாதார வளம் சிறப்பாக இருக்கும். புதிய வியாபாரம் அனுகூலத்தைத் தரும். உங்கள் முயற்சிகளில் சில தடைகள் வரலாம். எதிர்பாராத பண வரவும் உண்டு. வரவு செலவுக் கணக்கை சரியாக வைத்துக்கொள்ளவும். விடா முயற்சி வெற்றி தரும். பிள்ளைகளால் பெருமை கிடைக்கும். பிள்ளைகள் உடல்நலனில் அக்கறை தேவை. முதல் வாரத்தில் வயிறு சமந்தப்பட்ட வியாதிகள் வரலாம். வேலையில் இருப்பவர்கள் வேலையில் அதிக அக்கறையுடன் இருப்பது நல்லது. வீட்டுச் செலவுக்குத் தேவையான பணவசதி இருக்கும். கணவன் மனைவியிடையே கருத்து வேறுபாடு தோன்றும். பெண்களால் நன்மை உண்டு. புத்தாடை அணிகலன்கள் வாங்கலாம்.
கலைஞர்களுக்கு பெண்களின் ஆதரவு கிடைக்கும். விருதுகளும் பாராட்டுகளும் கிடைக்க வாய்ப்புண்டு. அரசியல்வாதிகளுக்கு நற்பெயரோடு நல்ல பதவிகளும் கிடைக்கலாம். மாணவர்களுக்கு நல்ல மதிப்பெண்கள் கிடைக்கும். போட்டிகளிலும் வெற்றி கிட்டும். விவசாயிகள் சீரான மகசூல் பெறுவர். கால்நடைகளால் எதிர்பார்த்த வருமானம் வராது. பெண்கள் குடும்பத்தாரிடம் விட்டுக்கொடுத்து நடந்துகொள்ளவும்.

மகரம்:

பண வரவு அதிகரிக்கும் கணவன்-மனைவியிடையே கருத்து வேறுபாடுகள் தோன்றும். குடும்பத்தில் சுப நிகழ்ச்சிகள் நடக்கும். வீடு மனை வாங்க யோகம் கூடி வரும். முதல் வாரத்தில் அதிக நன்மை கிடைக்கும். வயிறு தொடர்பான உபாதை வரலாம். உடல் நலனில் அக்கறை காட்டவேண்டியது அவசியமாகும். பணியாளர்கள் பதவி உயர்வு காண்பர். அதிகம் உழைக்கவேண்டியிருக்கும். மனக்கவலை ஏற்படும் .அதிகாரிகளிடம் அனுசரித்துப் போகவும். பாதுகாப்பு தொடர்பான வேலையில் இருப்பவர்கள் சிறப்பான முன்னேற்றம் காணலம். தொழில், வியாபாரத்தில் சீரான பலன் கிடைக்கும். எதிரிகளின் இடையூறு குறையும். அலைச்சல் அதிகரிக்கும். எதிர்பாராத பண வரவு உண்டாகும். தீயோர் சேர்க்கைக்கு ஆளாகி அவதியுறலாம். கலைஞர்களுக்கு புதிய ஒப்பந்தம் கிடைக்கும்.
அரசியல்வாதிகளின் வளர்ச்சிக்கு ஒரு பெண் பின்னணியில் இருப்பார். மாணவர்கள் சிரத்தை எடுத்துப் படிக்கவேண்டியது இருக்கும். நற்பெயரும் எடுப்பார்கள். விவசாயிகள் புதிய சொத்து வாங்கலாம். நல்ல மகசூலும் காண முடியும். கால்நடை மூலம் நல்ல வருமானம் கிடைக்கும். பெண்களுக்கு நல்ல நேரம். அவர்களால் குடும்பம் சிறக்கும். புத்தாடை, அணிகலன் வாங்குவார்கள்.
கும்பம்:
பணப் புழக்கம் இருக்கும். செல்வாக்கும் கௌரவமும் சூரியனின் கிரக சஞ்சாரத்தால் கூடும். நோய் வந்தாலும் பாதிப்பு இருக்காது. வயிறு சம்பந்தமான நோய் தோன்றலாம். குடும்பத்தில் வசதி பெருகும். சுப நிகழ்ச்சிகள் கைகூடும். சிலருக்கு குழந்தை பாக்கியம் கிடைக்கும். பிள்ளைகளால் பெருமை கிடைக்கும். புத்தாடை அணிகலன்கள் வாங்கலாம். பணியாளர்களுக்கு பதவிஉயர்வு கிடைக்கும். செல்வாக்கு அதிகரிக்கும். இரண்டாம் வாரத்தில் சிறப்பான பலனை எதிர்பார்க்கலாம். தொழிலதிபர், வியாபாரிகளுக்கு புதிய தொழில், வியாபாரம் தொடங்க வாய்ப்புண்டு. பகைவர்களை வெற்றிகொள்வீர்கள். திடீர் பண வரவுக்கு வாய்ப்புண்டு.
கலைஞர்களுக்கு முன்னேற்றம் உண்டு. பெண்களால் தொல்லை ஏற்படலாம். அரசியல்வாதிகளும் பொதுநல சேவகர்களும் தொடர்ந்து முன்னேற்றம் காண்பர். பெண்கள் வகையில் தொல்லை உண்டு. ஒதுங்கி இருக்கவும். அரசியல்வாதிகள், சமூக சேவகர்கல் தொடர்ந்து நற்பலனைக் காணலாம். எதிர்பார்த்த பதவி கிடைக்கும். மாணவரகளுக்கு கல்வி வளர்ச்சி உண்டாகும். விரும்பிய பாடம் கிடைக்கவும் யோகமுண்டு. விவசாயிகளுக்கு நல்ல மகசூல் கிடைக்கும். வழக்கு விவகாரங்களில் மெத்தனமாக இருப்பது கூடாது. பெண்களுக்கு நற்பெயர் கிடைக்கும். நகை வாங்குவர். முதல் வாரத்தில் சிறப்பான பலன் கிடைக்கும்.
மீனம்:
பொருள் சேரும். குடும்பத்தில் மகிழ்ச்சிக்குக் குறைவிருக்காது. பெரியோர்களின் ஆதரவும் ஆலோசனையும் கிடைக்கும். நண்பர்கள் உதவிகரமாக இருப்பர்.இரண்டாம் வாரத்தில் பெண்களால் சகாயமுண்டு. அதன்பிறகு அவர்களால் தொல்லையே வரும். தம்பதியிடையே அன்பு நீடிக்கும். விருந்து விழா என்று சென்று வருவீர்கள். உடல்நலம் சீராக இருக்கும். பிள்ளைகள் உடல்நலனில் அக்கறை காட்டவும். மாத மத்தியில் மனதில் ஒருவித பயம் தோன்றும். பணியாளர்களுக்கு இது நல்ல நேரம். சக ஊழியர்கள் ஒத்துழைப்பு தருவர். எதிர்பாராத நன்மைகள் பெறலாம். இருந்தபோதும், எதிலும் ஒரு பிடிப்பு இல்லாத நிலை இருந்து வரும். வேலைப்பளுவும் அலைச்சலும் இருக்கும். அதிக முயற்சி எடுத்தால் கோரிக்கைகள் நிரைவேறும். தொழிலதிபர்கள், வியாபாரிகள் தீயோர் சேர்க்கையால், அவதியுறுவர். பொருள் களவு போகும். பகைவர் தொள்ளை அதிகரிக்கும். வெளியூர்ப் பயணம் உண்டும். எதிர்பாராத நன்மை உண்டு.
கலைஞர்கள் சிறப்புறுவர். புதிய ஒப்பந்தம் கிடைக்கும். அரசியல்வாதிகள் சுமாரான நிலையில் இருப்பர். மாணவர்களுக்கு ஆசிரியர்களின் ஆதரவு கிடைக்கும். போட்டிகளில் வெற்றி காண்பர். விவசாயத்தில் நல்ல வருமானம் கிடைக்கும். வ்ழக்கு, விவகாரம் சாதகமாக இருக்கும். பெண்கள் புத்தாடை நகை வாங்கலாம்.
^^^^^^^^^^^^^^^^^^^^^^^^
[ விரிவான பலன்களைத் தெரிந்துகொள்ள விரும்புவோர், தங்கள் ஜாதகத்துடன் ரூ.950/- செலுத்தி, moonramkonam@gmail.com என்ற வெப்சைட்டிற்கு தொடர்பு கொள்ளவும். ]

^^^^^^^^^^^^^^^^^^^^^^

 

ஃபேஸ்புக் ரிப்ளை

பின்னூட்டம்

Powered by Facebook Comments

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>